Name                      Michelle Rothen

Hobbies                  Tanze, Reise & Spanie, Mode & Design, mini Fründe & Familie

Geburi                    5.3.1980

eMail                      Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

Telefon                   078 763 64 78

 

So ha ig dNadine lehre kenne:

Im Herbst 2005 ha ig mit dr Fabienne ä Reis uf Bali planet. Eines Tages isch dFabienne ids Büro cho und het gseit: "Du, ä Fründin vo mir, d'Nadine, wett o gärn mitcho. Bisch derbi?" 

Und so isch es cho, dass mir ds Dritte höch uf Reise sie und ä tolli Zyt in Indonesie verbracht hei. DNadine und ig hei sech uf Ahieb super verstande und so isch dr Kontakt nach dr Heimkehr immer enger worde: 

Ig ha ou bi de Blue-Froue vor Babuche afa tanze und nach em Training am Friti si mir de aube no dGasse ds Bärn ga unsicher mache. Es het mänge Abe gä, wo mir dClubs hei zuegmacht... ;-)

Zu derä Zyt hei mir beidi nid wyt weg vonenang gwohnt: dNadine im Breitsch, ig ir Lorraine. Und so hei mir ou mänge Abe im Römer verbracht - bim Fyrabebier, Klatsch und Tratsch über Männer oder was eim schüsch aues bewegt im Läbe. Mir hei o wieder dr Ruckack packt und dWäut entdeckt: Zäme mit dr Fabienne sy dNadine und ig uf dPhilippine gfloge und hei dert ds Touchbrevet gmacht. Nach vier Wuche isch es witer gange uf Malaysia; dert isch no Karin für drü Wuche mit üs ungerwägs gsy: ä tolli Zyt - mir sie als "Swiss Angels" i dAnale igange.

Nach erä witere tolle Reis uf Brasilie het sech de ds Läbe vor Nadine nachhautig veränderet: dRomanze mit em Tino isch ganz schnäu ernscht worde, die zwöi sie zäme zoge und scho gli druf abe het mir dNadine ds süesse Gheimnis verrate, wo sie im Buch het umetreit... Dass ig ha dörfe ds Gotti vom Luca wärde, het mi wahnsinnig gfröit! Sit dr chli Schatz uf dr Wäut isch hei sech üsi Träffe natürlech e chli veränderet - sie aber nid minder schön: mit em Luca zäme gö mir a YB Match, dr Papi und dMannschaft ga afüre oder träffe üs in Boll daheime, wo ds Gotti mit em Luca tuet Tschuschubähnele und Outo spilä. Und nach dr standesamtleche Trouig fröie mir üs itz  aui uf ds Brüederli oder Schwösterli vom Luca und de natürlech uf äs ruschends Fescht im September 2012!

 

PS: uf derä Homepage gits no es paar Erinnerige vo dä "Swiss Angels" ;-) http://web.me.com/michelle.rothen/meshelle/Willkommen.html